2015 جىلعى 20 اقپان, استانا قالاسى
ەلەكتر ەنەرگياسىنىڭ كوتەرمە نارىعىن ۇيىمداستىرۋ مەن ونىڭ جۇمىس iستەۋ قاعيدالارىن بەكىتۋ تۋرالى
«ەلەكتر ەنەرگەتيكاسى تۋرالى» 2004 جىلعى 9 شىلدەدەگى قازاقستان رەسپۋبليكاسى زاڭىنىڭ 5-بابىنىڭ 9) تارماقشاسىنا سايكەس بۇيىرامىن:
1. قوسا بەرىلىپ وتىرعان ەلەكتر ەنەرگياسىنىڭ كوتەرمە ساۋدا نارىعىن ۇيىمداستىرۋ جانە ونىڭ جۇمىس iستەۋ قاعيدالارى بەكىتىلسىن.
1. قازاقستان رەسپۋبليكاسى ەنەرگەتيكا مينيسترلىگىنىڭ ەلەكتر ەنەرگەتيكاسى دەپارتامەنتى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن:
1) وسى بۇيرىقتىڭ قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن كۇنتىزبەلىك ون كۇن ىشىندە مەرزىمدى ءباسپاسوز باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن;
3) وسى بۇيرىقتىڭ قازاقستان رەسپۋبليكاسى ەنەرگەتيكا مينيسترلىگىنىڭ رەسمي ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋىن;
4) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنى ىشىندە قازاقستان رەسپۋبليكاسى ەنەرگەتيكا مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 2) جانە 3) تارماقشالارىمەن كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسى ەنەرگەتيكا ۆيتسە-مينيسترىنە جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسى ەنەرگەتيكا ءمينيسترى ۆ. شكولنيك
قازاقستان رەسپۋبليكاسى ەنەرگەتيكا ءمينيسترىنىڭ 2015 جىلعى 20 اقپانداعى № 106 بۇيرىعىمەن بەكىتىلگەن
ەلەكتر ەنەرگياسىنىڭ كوتەرمە نارىعىن ۇيىمداستىرۋ مەن ونىڭ جۇمىس iستەۋ قاعيدالارى
1. جالپى ەرەجەلەر
1. وسى ەلەكتر ەنەرگياسىنىڭ كوتەرمە ساۋدا نارىعىن ۇيىمداستىرۋ جانە ونىڭ جۇمىس iستەۋ قاعيدالارى (بۇدان ءارى – قاعيدا) «ەلەكتر ەنەرگەتيكاسى تۋرالى» قازاقستان رەسپۋبليكاسىنىڭ 2004 جىلعى 9 شىلدەدەگى زاڭىنىڭ (بۇدان ءارى – زاڭ) 5-بابى 9) تارماقشاسىنا سايكەس ازiرلەندi جانە ەلەكتر ەنەرگياسىنىڭ كوتەرمە ساۋدا نارىعىن ۇيىمداستىرۋ جانە ونىڭ جۇمىس iستەۋ ءتارتىبىن ايقىندايدى.
2. وسى قاعيدادا مىناداي ۇعىمدار مەن انىقتامالار پايدالانىلادى:
1) قازاقستان رەسپۋبليكاسىنىڭ ەلەكتر ەنەرگياسى كوتەرمە ساۋدا نارىعىندا ەلەكتر ەنەرگياسىن ءوندىرۋ-تۇتىنۋدىڭ ناقتى تەڭگەرىمى – ەسەپتى كەزەڭدە ەلەكتر ەنەرگياسىنىڭ تەڭگەرىمدى نارىعىندا ورتالىقسىزداندىرىلعان جانە ورتالىقتاندىرىلعان ساۋدا نارىقتارىندا وندىرىلگەن, جەتكىزىلگەن جانە تۇتىنىلعان ەلەكتر ەنەرگياسى كولەمدەرىن اتاۋلى ءبولۋدى بەلگىلەيتىن جۇيەلىك وپەراتور جاساعان قۇجات. ناقتى تەڭگەرىم قازاقستان رەسپۋبليكاسىنىڭ ەلەكتر ەنەرگياسى كوتەرمە ساۋدا نارىعىنىڭ سۋبەكتىلەرى اراسىندا ءوزارا ەسەپ ايىرىسۋدى جۇرگىزۋگە نەگىز بولىپ تابىلادى;
2) ەلەكتر ەنەرگياسىنىڭ ورتالىقتاندىرىلعان ساۋدا نارىعى – ەلەكتر ەنەرگياسىن قىسقا مەرزiمدi («وپەراتسيالىق تاۋلىك ىشىندە» سپوت-ساۋدا-ساتتىق جانە «ءبىر كۇن بۇرىن» رەجيمىندە), ورتا مەرزiمدi (اپتا, اي) جانە ۇزاق مەرزiمدi (توقسان, جىل) نەگiزدە ساتىپ الۋ-ساتۋ ءۇشiن ۇيىمداستىرىلعان ساۋدا الاڭى;
3) ەلەكتر ەنەرگياسىن ساتىپ الۋ-ساتۋ شارتى – بەلگiلi بiر كەزەڭدە ولاردى ناقتى جەتكiزە وتىرىپ, ەلەكتر ەنەرگياسىنىڭ شارتتىق كولەمiن ساتىپ الۋعا-ساتۋعا ارنالعان ەلەكتر ەنەرگياسىنىڭ كوتەرمە ساۋدا نارىعىنىڭ سۋبەكتiلەرi اراسىندا جاسالاتىن كەلiسiم;
4) ەلەكتر ەنەرگياسىنىڭ ترانزيتi – ەلەكتر ەنەرگياسىن باسقا ەلدىڭ ەنەرگيا جۇيەسiنەن بەرۋ ءۇشiن بiر نەمەسە بiرنەشە شەكتەس ەلدەردiڭ ەلەكتر جەلiلەرiن پايدالانۋ جونiندەگi قىزمەتتەر;
وسى قاعيدادا پايدالانىلاتىن وزگە ۇعىمدار مەن انىقتامالار قازاقستان رەسپۋبليكاسى ەلەكتر ەنەرگەتيكاسى سالاسىنداعى زاڭناماسىنا سايكەس قولدانىلادى.
3. قازاقستان رەسپۋبليكاسىندا ەلەكتر ەنەرگياسىنىڭ كوتەرمە ساۋدا نارىعى ەلەكتر ەنەرگياسىنىڭ كوتەرمە ساۋدا نارىعى سۋبەكتىلەرىنىڭ اراسىنداعى شارتتار نەگىزىندە جۇمىس ىستەيتىن ەلەكتر ەنەرگياسىن ساتىپ الۋ-ساتۋمەن بايلانىستى قاتىناستار جۇيەسىن بىلدىرەدى جانە مىناداي ءوزارا بايلانىستى جۇمىس ىستەيتىن نارىقتاردان تۇرادى:
1) ەلەكتر ەنەرگياسىنىڭ ورتالىقسىزداندىرىلعان ساتىپ الۋ-ساتۋ نارىعى;
2) ەلەكتر ەنەرگياسىنىڭ ورتالىقتاندىرىلعان ساۋدا نارىعى;
3) ەلەكتر ەنەرگياسىنىڭ تەڭگەرىمدەۋشى نارىعى;
4) جۇيەلىك جانە قوسالقى قىزمەت كورسەتۋ نارىعى.
2. ەلەكتر ەنەرگياسىنىڭ كوتەرمە ساۋدا نارىعىن ۇيىمداستىرۋ ءتارتىبى
4. ەلەكتر ەنەرگياسىنىڭ كوتەرمە ساۋدا نارىعىنا قاتىسۋى ءۇشىن ەلەكتر ەنەرگياسىنىڭ كوتەرمە ساۋدا نارىعىنىڭ سۋبەكتىلەرى رۇقسات بەرىلەدى.
5. ەنەرگيا ءوندىرۋشى ۇيىمدار, مىناداي تالاپتاردى ورىنداعان كەزدە ەلەكتر ەنەرگياسىنىڭ كوتەرمە ساۋدا نارىعىنا قاتىسادى:
1) قازاقستان رەسپۋبليكاسىنىڭ رۇقساتتار جانە حابارلامالار سالاسىنداعى زاڭناماسىندا كوزدەلگەن تارتىپپەن ليتسەنزياسىنىڭ بولۋى;
2) ەلەكتر ەنەرگياسىنىڭ كوتەرمە ساۋدا نارىعىنا كەمىندە 1 مەگاۆاتت (بۇدان ءارى - مۆت) كولەمىندە ورتاشا تاۋلىكتىك (بازالىق) قۋات جەتكىزۋ (ورتا جىلدىق قۋاتتى جاڭارتىلعان ەنەرگيا كوزدەرى ءۇشىن) جانە كوممەرتسيالىق ەسەپكە الۋ اۆتوماتتاندىرىلعان جۇيەلەرىنىڭ, جۇيەلىك وپەراتوردا بەلگىلەنگەن جۇيەلەرمەن ولاردى بىرىزدەندىرۋدى قامتاماسىز ەتەتىن تەلەكوممۋنيكاتسيالاردىڭ بولۋى;
3) ۇلتتىق جانە قاجەت بولعان جاعدايدا اۋداندىق ەلەكتر جەلىسىنە رۇقساتى بولۋى.
6. ەنەرگيا ءوندىرۋشى ۇيىمدارعا ۇلتتىق ەلەكتر جەلىسىنە جانە/نەمەسە وڭىرلىك ەلەكتر جەلىسىنە جۇيەلiك وپەراتورمەن مىناداي:
1) قازاقستان رەسپۋبليكاسىنىڭ بiرتۇتاس ەلەكتر ەنەرگەتيكالىق جۇيەسiندە ەلەكتر ەنەرگياسىن ءوندiرۋ-تۇتىنۋ رەجيمدەرiن تەحنيكالىق ديسپەتچەرلەندiرۋ بويىنشا قىزمەتتەردى كورسەتۋگە ارنالعان;
2) قازاقستان رەسپۋبليكاسىنىڭ بiرتۇتاس ەلەكتر ەنەرگەتيكالىق جۇيەسiندە ەلەكتر ەنەرگياسىن ءوندiرۋ-تۇتىنۋ تەڭگەرiمدەرiن ۇيىمداستىرۋ جونiندەگi قىزمەتتەردى كورسەتۋگە ارنالعان;
3) تەڭگەرىمدى ەلەكتر ەنەرگياسىن ساتىپ الۋعا-ساتۋعا ارنالعان شارتتارى بولعان كەزدە رۇقسات بەرiلەدi.
7. ەلەكتر ەنەرگياسىنىڭ تۇتىنۋشىلارى, ونىڭ ىشىندە ەنەرگيا بەرۋشى ۇيىمدار مىناداي تالاپتاردى ورىنداعان كەزدە كوتەرمە ساۋدا نارىعىنا قاتىسادى:
1) ەلەكتر ەنەرگياسىنىڭ كوتەرمە ساۋدا نارىعىنا كەمiندە 1 مۆت كولەمىندە ورتاشا تاۋلiكتiك (بازالىق) قۋات ساتىپ الۋ جانە كوممەرتسيالىق ەسەپكە الۋدىڭ اۆتوماتتاندىرىلعان جۇيەلەرiنiڭ, جۇيەلiك وپەراتوردا بەلگiلەنگەن جۇيەلەرمەن ولاردى بiرىزدەندىرۋدى قامتاماسىز ەتەتiن تەلەكوممۋنيكاتسيالاردىڭ, قاجەت بولعان جاعدايدا وڭىرلىك ەلەكتر جەلىلىك كومپانيانىڭ بولۋى;
2) ۇلتتىق جانە قاجەت بولعان جاعدايدا وڭىرلىك ەلەكتر جەلiلەرiنە رۇقساتتىڭ بولۋى.
8. ەلەكتر ەنەرگياسىنىڭ تۇتىنۋشىلارىنا, ونىڭ ىشىندە ەنەرگيا بەرۋشى ۇيىمدارعا ۇلتتىق ەلەكتر جەلىسىنە مىناداي:
1) جۇيەلiك وپەراتورمەن:
ۇلتتىق ەلەكتر جەلىسى بويىنشا ەلەكتر ەنەرگياسىن بەرۋ جونىندەگى قىزمەتتەردى كورسەتۋگە ارنالعان;
يمپورتتالاتىن ەلەكتر ەنەرگياسىن تەحنيكالىق ديسپەتچەرلەندiرۋ بويىنشا قىزمەتتەردى كورسەتۋگە ارنالعان (ەلەكتر ەنەرگياسىنىڭ يمپورتىن جۇزەگە اسىرعان جاعدايدا);
قازاقستاننىڭ بiرتۇتاس ەلەكتر ەنەرگەتيكالىق جۇيەسiندە ەلەكتر ەنەرگياسىن ءوندiرۋ-تۇتىنۋ تەڭگەرiمدەرiن ۇيىمداستىرۋ جونiندەگi قىزمەتتەردى كورسەتۋگە ارنالعان;
تەڭگەرىمدەۋشى ەلەكتر ەنەرگياسىن ساتىپ الۋعا-ساتۋعا ارنالعان شارتتارى;
2) ەنەرگيا بەرۋشى ۇيىممەن, ونىڭ ىشىندە جەلىلەرىنە ەلەكتر ەنەرگياسىن تۇتىنۋشى قوسىلعان وڭىرلىك دەڭگەيدەگى ەنەرگيا جەلىلەرىن پايدالاناتىن ۇيىممەن بەرۋ بويىنشا قىزمەتتەردى كورسەتۋگە ارنالعان شارتى بولعان كەزدە رۇقسات بەرiلەدi.
9. ەنەرگيامەن جابدىقتاۋشى ۇيىمدار مىناداي تالاپتاردى ورىنداعان كەزدە ەلەكتر ەنەرگياسىنىڭ كوتەرمە ساۋدا نارىعىندا قىزمەتىن جۇزەگە اسىرادى:
1) ەنەرگيامەن جابدىقتاۋ ماقساتىندا ەلەكتر ەنەرگياسىن ساتىپ الۋ قۇقىعىنا ارنالعان ليتسەنزياسىنىڭ بولۋى;
2) ەلەكتر ەنەرگياسىنىڭ كوتەرمە ساۋدا نارىعىنان كەمiندە 1 مۆت كولەمىندە ورتاشا تاۋلiكتiك (بازالىق) قۋات جەتكىزۋ (تۇتىنۋ) بويىنشا تالاپتاردى ورىنداۋ;
3) ۇلتتىق جانە قاجەت بولعان جاعدايدا وڭىرلىك ەلەكتر جەلiلەرiنە رۇقساتتىڭ بولۋى.
10. ۇلتتىق ەلەكتر جەلىسىنە ەنەرگيامەن جابدىقتاۋشى ۇيىمدارعا مىنالار:
1) جۇيەلiك وپەراتورمەن:
- ۇلتتىق ەلەكتر جەلىسى بويىنشا ەلەكتر ەنەرگياسىن بەرۋ جونىندەگى قىزمەتتەردى كورسەتۋگە ارنالعان;
- يمپورتتالاتىن ەلەكتر ەنەرگياسىن تەحنيكالىق ديسپەتچەرلەندiرۋ بويىنشا قىزمەتتەردى كورسەتۋگە ارنالعان (ەلەكتر ەنەرگياسى يمپورتىن جۇزەگە اسىرعان جاعدايدا);
- قازاقستان رەسپۋبليكاسىنىڭ بiرتۇتاس ەلەكتر ەنەرگەتيكالىق جۇيەسiندە ەلەكتر ەنەرگياسىن ءوندiرۋ/تۇتىنۋ تەڭگەرiمدەرiن ۇيىمداستىرۋ جونiندەگi قىزمەتتەردى كورسەتۋگە ارنالعان;
- تەڭگەرىمدەۋشى ەلەكتر ەنەرگياسىن ساتىپ الۋعا-ساتۋعا ارنالعان شارتتارى;
2) ەنەرگيا بەرۋشى ۇيىممەن, ونىڭ ىشىندە جەلىلەرىنە ەلەكتر ەنەرگياسىن تۇتىنۋشى قوسىلعان وڭىرلىك دەڭگەيدەگى ەنەرگيا جەلىلەرىن پايدالاناتىن ۇيىممەن بەرۋ بويىنشا قىزمەتتەردى كورسەتۋگە ارنالعان شارتى بولعان كەزدە رۇقسات بەرiلەدi.
3. ەنەرگيا ءوندىرۋشى ۇيىمداردىڭ ەلەكتر ەنەرگياسىنىڭ كوتەرمە ساۋدا نارىعىنا قاتىسۋى
11. ەنەرگيا ءوندىرۋشى ۇيىمدار قازاقستان رەسپۋبليكاسىنىڭ ازاماتتىق زاڭناماسىنا سايكەس جاسالعان شارتتار نەگىزىندە ەلەكتر ەنەرگياسىنىڭ كوتەرمە ساۋدا نارىعىنىڭ سۋبەكتىلەرىنە وندىرىلگەن ەلەكتر ەنەرگياسىن ساتۋدى جۇزەگە اسىرادى.
12. ەلەكتر ەنەرگياسىنىڭ كوتەرمە ساۋدا نارىعىندا ءوز قىزمەتiن جۇزەگە اسىرۋ ۇدەرiسiندە ەنەرگيا ءوندىرۋشى ۇيىمدار:
1) جۇيەلiك وپەراتورمەن بiرلەسىپ, قازاقستان رەسپۋبليكاسىنىڭ بiرتۇتاس ەلەكتر ەنەرگەتيكالىق جۇيەسiندە ستاندارتتىق جيiلiكتi رەتتەۋدi جانە ۇستاپ تۇرۋدى جۇزەگە اسىرادى;
2) ەلەكتر ەنەرگياسىنىڭ ورتالىقتاندىرىلعان ساۋدا نارىعى وپەراتورىنا ەلەكتر ەنەرگياسىنىڭ ورتالىقسىزداندىرىلعان جانە ورتالىقتاندىرىلعان نارىعىندا جاسالعان ەلەكتر ەنەرگياسىن ساتىپ الۋ-ساتۋ شارتتارى جونىندەگى اقپاراتتى قوسا العاندا, قازاقستان رەسپۋبليكاسىنىڭ ەلەكتر ەنەرگياسىنىڭ نارىعىنا مونيتورينگتى جۇزەگە اسىرۋ ءۇشىن قاجەتتى اقپاراتتى بەرەدi;
3) قۋات رەزەرۆتەرىن ۇستاۋدى, كولەمىن, قۇرىلىمىن جانە جاسالعان شارتتار نەگىزىندە جۇيەلىك وپەراتور ايقىنداعان ولاردىڭ ورنالاسۋىن قامتاماسىز ەتەدى;
4) ديسپەتچەرلىك تەحنولوگيالىق باسقارۋ قۇرالدارىنىڭ, ونىڭ ىشىندە جۇيەلىك وپەراتوردىڭ جەدەل-اقپاراتتىق كەشەنىمەن بىرىزدەندىرىلگەن جۇيەلىك وپەراتوردىڭ ديسپەتچەرلىك ورتالىقتارىمەن ديسپەتچەرلىك باسقارۋدىڭ جەدەل-اقپاراتتىق كەشەنىمەن بايلانىس قۇرالدارىنىڭ بولۋىن قامتاماسىز ەتەدى;
5) جۇيەلىك وپەراتورعا جانە وڭىرلىك ەلەكتر جەلىلەرى كومپانياسىنا ەلەكتر ەنەرگياسىن كوممەرتسيالىق ەسەپكە الۋ اسپاپتارىنا كەدەرگىسىز قول جەتكىزۋگە رۇقسات بەرەدى.
4. تۇتىنۋشىلاردىڭ ەلەكتر ەنەرگياسىنىڭ كوتەرمە ساۋدا نارىعىنا قاتىسۋى
13. ەلەكتر ەنەرگياسىن تۇتىنۋشىلار ەلەكتر ەنەرگياسىنىڭ كوتەرمە ساۋدا نارىعىندا قازاقستان رەسپۋبليكاسىنىڭ ازاماتتىق زاڭناماسىنا سايكەس جاسالعان شارتتار نەگىزىندە ەلەكتر ەنەرگياسىن ساتىپ الادى.
14. ەلەكتر ەنەرگياسىن تۇتىنۋشىلار ەلەكتر ەنەرگياسىنىڭ كوتەرمە ساۋدا نارىعىندا قىزمەتىن جۇزەگە اسىرۋ كەزىندە:
1) ەلەكتر ەنەرگياسىن ساتىپ الۋ-ساتۋ شارتىمەن ايقىندالعان ەلەكتر تۇتىنۋ رەجيمدەرىن ساقتايدى;
2) قازاقستان رەسپۋبليكاسىنىڭ ەلەكتر ەنەرگەتيكاسى سالاسىنداعى زاڭناماسىنا سايكەس ءتارتىپ بويىنشا تۇتىنۋشىنىڭ مەنشىگىندەگى ەلەكتر جانە ەنەرگيا قۇرىلعىلارى مەن كوممەرتسيالىق ەسەپكە الۋ اسپاپتارىنىڭ ءتيىستى تەحنيكالىق جاي-كۇيىن قولدايدى, ولاردىڭ تەحنيكالىق جاي-كۇيىنە قويىلاتىن تالاپتاردى ورىندايدى;
3) جاساسىلعان شارتتارمەن بەلگىلەنگەن مەرزىمدە كوممەرتسيالىق اسپاپتاردىڭ ولشەم دەرەكتەرىن ۇسىنادى;
4) جۇيەلىك وپەراتور مەن وڭىرلىك ەلەكتر جەلىلەرى كومپانياسىنا ەلەكتر ەنەرگياسىنىڭ كوممەرتسيالىق ەسەپكە الۋ اسپاپتارىنا كەدەرگىسىز قول جەتكىزۋگە رۇقسات بەرەدى;
5) ديسپەتچەرلىك تەحنولوگيالىق باسقارۋ قۇرالدارىنىڭ, ونىڭ ىشىندە جۇيەلىك وپەراتوردىڭ جەدەل-اقپاراتتىق كەشەنىمەن جانە وڭىرلىك ەلەكتر جەلىلىك كومپانيامەن بىرىزدەندىرىلگەن جۇيەلىك وپەراتوردىڭ ديسپەتچەرلىك ورتالىقتارىمەن جانە وڭىرلىك ەلەكتر جەلىلىك كومپانيالارمەن بايلانىس قۇرالدارىنىڭ بولۋىن نەمەسە باسقا ديسپەتچەرلىك ورتالىقپەن جەدەل-ديسپەتچەرلىك ءوزارا ءىس-قيمىل جاساۋ جونىندە وكىلەتتىك بەرۋ تۋرالى قۇجاتتىڭ بولۋىن قامتاماسىز ەتەدى;
6) وكىلەتتى ديسپەتچەرلىك ورتالىقپەن قوسىلعان تەلەمەتريكالىق اقپاراتتى جيناقتاۋ جانە بەرۋ جۇيەسىنىڭ بولۋىن قامتاماسىز ەتەدى;
7) ەلەكتر ەنەرگياسىن ساتىپ الۋ-ساتۋ شارتتارى بويىنشا ءوزىنىڭ كونتراگەنتتەرىنە جانە جۇيەلىك وپەراتورعا ەلەكتر ەنەرگياسىن ساتىپ الۋ-ساتۋ شارتتارىنىڭ تالاپتارىنىڭ وزگەرگەنى تۋرالى ۋاقتىلى ەسكەرتەدى;
15. ەلەكتر ەنەرگياسىن ساتىپ الۋعا ارنالعان شارتتارى جوق ەلەكتر ەنەرگەتيكاسىن تۇتىنۋشىلارى ۇلتتىق جانە (نەمەسە) وڭىرلىك ەلەكتر جەلىلەردەن اعىتادى.
5. ەنەرگيامەن جابدىقتاۋشى ۇيىمداردىڭ ەلەكتر ەنەرگياسىنىڭ كوتەرمە ساۋدا نارىعىنا قاتىسۋى
16. ەنەرگيامەن جابدىقتاۋشى ۇيىمدار قازاقستان رەسپۋبليكاسىنىڭ ازاماتتىق زاڭناماسىنا سايكەس جاسالعان شارتتار نەگىزىندە ءتيىستى شەكتى, ەسەپتىك نەمەسە جەكە تاريفتەردى ەسەپكە الا وتىرىپ, ءوز تۇتىنۋشىلارىن ەنەرگيامەن جابدىقتاۋ ماقساتىندا ەلەكتر ەنەرگياسىن ساتىپ الۋدى جۇزەگە اسىرادى.
17. ەنەرگيامەن جابدىقتاۋشى ۇيىمدار ەلەكتر ەنەرگياسىنىڭ كوتەرمە ساۋدا نارىعىندا قىزمەتىن جۇزەگە اسىرۋ كەزىندە:
1) جۇيەلىك وپەراتورعا جانە (نەمەسە) وڭىرلىك ەلەكتر جەلىلىك كومپانياعا قىزمەت كورسەتەتىن تۇتىنۋشىلاردىڭ ەلەكتر ەنەرگياسىنىڭ كوممەرتسيالىق ەسەپكە الۋ اسپاپتارىنا كەدەرگىسىز قول جەتكىزۋگە رۇقسات بەرەدى;
2) ءتيىستى ديسپەتچەرلىك ورتالىقپەن نەمەسە وڭىرلىك ەلەكتر جەلىلىك كومپانيا پۋنكتىمەن ديسپەتچەرلەۋ بويىنشا قىزمەتتەر كورسەتۋ تۋرالى شارتتىڭ بولۋىن قامتاماسىز ەتەدى;
3) ەلەكتر ەنەرگياسىن ساتىپ الۋ-ساتۋ شارتتارى بويىنشا ءوزىنىڭ كونتراگەنتتەرىنە, جۇيەلىك وپەراتورعا جانە (نەمەسە) وڭىرلىك ەلەكتر جەلىلىك ۇيىمدارىن ەلەكتر ەنەرگيانى ساتىپ الۋ-ساتۋ شارتتارىنىڭ تالاپتارىن وزگەرتۋ تۋرالى ۋاقتىلى ەسكەرتەدى.
18. ەنەرگيامەن جابدىقتاۋشى ۇيىمداردىڭ ەلەكتر ەنەرگياسىن ساتىپ الۋعا ارنالعان قولدانىستاعى شارتتار بولماعان جاعدايدا بولشەك ساۋدا تۇتىنۋشىلارى زاڭمەن بەلگىلەنگەن تارتىپپەن كەپىلدەندىرىلگەن ەلەكتر ەنەرگيا جەتكىزۋشىسىنە بەرۋگە جاتادى.
6. ەنەرگيا بەرۋشى ۇيىمداردىڭ ەلەكتر ەنەرگياسىنىڭ كوتەرمە ساۋدا نارىعىنا قاتىسۋى
19. ەنەرگيا بەرۋشى ۇيىمدار ەلەكتر ەنەرگياسىنىڭ كوتەرمە ساۋدا نارىعىندا ەلەكتر ەنەرگياسىن بەرۋ جونىندەگى قىزمەتتەردى كورسەتەدى, قازاقستان رەسپۋبليكاسى ازاماتتىق زاڭناماسىنا سايكەس جاسالعان شارتتار نەگىزىندە ەلەكتر ەنەرگياسىنا جانە شارۋاشىلىق مۇقتاجدىققا جۇمسالاتىن تەحنولوگيالىق شىعىستاردى وتەۋ ءۇشىن ەلەكتر ەنەرگياسىن ساتىپ الادى.
20. وڭىرلىك ەلەكتر جەلىلەرى ارقىلى ەلەكتر ەنەرگياسىن بەرۋ جونىندەگى قىزمەتتەر تابيعي مونوپوليالار جانە رەتتەلەتىن نارىقتار سالاسىندا باسشىلىقتى جۇزەگە اسىراتىن مەملەكەتتىك ورگان بەلگىلەيتىن تاريفتەر بويىنشا وڭىرلىك ەلەكتر جەلىلەرى, ەنەرگيامەن جابدىقتاۋشى ۇيىمدارعا قوسىلعان ەلەكتر ەنەرگيا تۇتىنۋشىلارىنا كورسەتىلەدى.
21. ەنەرگيا بەرۋشى ۇيىمدار ەلەكتر ەنەرگياسىنىڭ كوتەرمە ساۋدا نارىعىندا ءوز قىزمەتتەرىن جۇزەگە اسىرۋ كەزىندە:
1) زاڭعا سايكەس ءتارتىپ بويىنشا بەلگىلەنگەن ەلەكتر ەنەرگياسىنىڭ سەنىمدىلىك نورمالارىنا جانە ساپا ستاندارتتارىنا سايكەس وڭىرلىك ەلەكتر جەلىلەرى بويىنشا ەلەكتر ەنەرگياسىن بەرۋدى جۇزەگە اسىرادى;
2) وڭىرلىك ەلەكتر جەلىلەرىنە قول جەتكىزۋ ءۇشىن تەڭ تالاپتاردى قامتاماسىز ەتەدى;
3) وڭىرلىك ەلەكتر جەلىسىنىڭ پايدالانۋعا ازىرلىگىن قولداۋدى جانە وعان تەحنيكالىق قىزمەت كورسەتۋدى قامتاماسىز ەتەدى;
4) وڭىرلىك ەلەكتر جەلىلەرىنىڭ تۇراقتى جانە سەنىمدى جۇمىسىن, جەدەل باسقارۋ (ىسكە قوسۋ) ايماعىنا كىرەتىن ەنەرگەتيكا وبەكتىلەرىندە اۆاريانىڭ الدىن الۋ, وقشاۋلاۋ جانە جويۋ بويىنشا شارالاردى ۋاقتىلى قابىلداۋدى قامتاماسىز ەتەدى;
5) جۇيەلىك وپەراتورىمەن بىرگە ۇلتتىق ستاندارتتارمەن وزگە دە ستاندارتتاۋ جونىندەگى نورماتيۆتىك قۇقىقتىق اكتىلەردە بەلگىلەنگەن قازاقستان رەسپۋبليكاسىنىڭ ەلەكتر ەنەرگەتيكاسى سالاسىنداعى جانە تەحنيكالىق رەتتەۋ سالاسىنداعى زاڭناماسىنا سايكەس بەرىلەتىن ەلەكتر ەنەرگياسىنىڭ ساپاسىن قامتاماسىز ەتەدى;
6) وڭىرلىك ەلەكتر جەلىلەرى شەكاراسىندا كەلىسىلگەن ەسەپكە الۋ نۇكتەلەرىندە ەلەكتر ەنەرگياسىن كوممەرتسيالىق ەسەپكە الۋدى جۇزەگە اسىرادى;
7) قازاقستاننىڭ بiرتۇتاس ەلەكتر ەنەرگەتيكالىق جۇيەسiندەگi ەلەكتر ەنەرگياسىن ءوندiرۋ (تۇتىنۋ) رەجيمدەرiن جەدەل ديسپەتچەرلiك باسقارۋ ۇدەرىسىندە جۇيەلiك وپەراتورمەن ءوزارا iس-قيمىلدى جۇزەگە اسىرادى;
8) ۇلتتىق جانە وڭiرلiك ەلەكتر جەلىسىنىڭ ءبولiنۋ شەكارالارىنداعى كوممەرتسيالىق ەسەپكە الۋدىڭ كەلiسiلگەن نۇكتەلەرiندە ەلەكتر ەنەرگياسىنىڭ مەنشىكتى تەڭگەرiمسiزدiكتەرiن جۇيەلiك وپەراتورمەن قارجىلىق رەتتەۋدى جۇزەگە اسىرادى;
9) مەنشىك نىسانىنا جانە ۆەدومستۆولىق تيەسىلىلىگىنە قاراماستان, ەلەكتر ەنەرگياسىنىڭ كوتەرمە ساۋدا نارىعىنىڭ بارلىق سۋبەكتىلەرىنەن ەلەكتر ەنەرگياسىنىڭ كوتەرمە ساۋدا نارىعىنداعى قىزمەتتى جۇزەگە اسىرۋ ءۇشىن قاجەتتى اقپاراتتى الادى جانە ساپاسىن باقىلاۋدى جۇزەگە اسىرادى.
7. جۇيەلىك وپەراتوردىڭ جانە ەلەكتر ەنەرگياسىنىڭ ورتالىقتاندىرىلعان ساۋدا نارىعى وپەراتورىنىڭ ەلەكتر ەنەرگياسىنىڭ كوتەرمە ساۋدا نارىعىنا قاتىسۋى
22. قازاقستان رەسپۋبليكاسىنىڭ ەلەكتر ەنەرگەتيكاسى سالاسىنداعى زاڭناماسىنا سايكەس جۇيەلىك وپەراتور ەلەكتر ەنەرگياسىنىڭ كوتەرمە ساۋدا نارىعىنا قاتىسادى.
23. زاڭعا سايكەس بەلگىلەنگەن تارتىپپەن ەلەكتر ەنەرگياسىنىڭ ورتالىقتاندىرىلعان ساۋدا نارىعىنىڭ وپەراتورى ورتالىقتاندىرىلعان ساۋدانى ۇيىمداستىرۋ جانە جۇرگىزۋ جونىندەگى قىزمەتتەردى كورسەتەدى.
24. ەلەكتر ەنەرگياسىنىڭ ورتالىقتاندىرىلعان ساۋدا نارىعىنىڭ وپەراتورى:
1) ساۋدا جۇيەسiنىڭ ەلەكتر ەنەرگياسىنىڭ كوتەرمە ساۋدا نارىعىندا ەلەكتر ەنەرگياسىنىڭ ورتالىقتاندىرىلعان ساۋدا-ساتتىعىن جۇرگiزۋگە تۇراقتى ازiرلiگiن قامتاماسىز ەتەدى جانە ۇستايدى;
2) كوتەرمە ساۋدا نارىعى سۋبەكتiلەرiنiڭ كوممەرتسيالىق تاۋەكەلدەرiن بارىنشا تومەندەتۋ ماقساتىندا ەلەكتر ەنەرگياسىنىڭ ورتالىقتاندىرىلعان ساۋدا نارىعىندا كەپiلدىكتەر مەن ەسەپ ايىرىسۋدىڭ ورتالىقتاندىرىلعان جۇيەسiن ۇيىمداستىرادى;
3) ەلەكتر ەنەرگياسىنىڭ كوتەرمە ساۋدا نارىعىنا قاتىسۋشىلاردى ساۋدا جۇيەسiمەن جۇمىس ىستەۋگە وقىتادى;
4) ورتالىقتاندىرىلعان ساۋدا-ساتتىقتاردا جاسالعان مامiلەلەردiڭ ورىندالۋ مونيتورينگىن جۇزەگە اسىرادى;
5) ەلەكتر ەنەرگياسىنىڭ كوتەرمە ساۋدا نارىعىنىڭ سۋبەكتiلەرiن ورتالىقتاندىرىلعان ساۋدا-ساتتىقتاردا قالىپتاسقان ەلەكتر ەنەرگياسىنا ارنالعان ينديكاتيۆتىك باعالار جونىندەگى اقپاراتپەن جانە باسقا دا نارىقتىق اقپاراتپەن قامتاماسىز ەتەدى.
8. ەلەكتر ەنەرگياسىنىڭ كوتەرمە ساۋدا نارىعىنىڭ جۇمىس ىستەۋى
25. ەلەكتر ەنەرگياسىنىڭ ورتالىقسىزداندىرىلعان ساتىپ الۋ-ساتۋ نارىعىندا كوتەرمە ساۋدا نارىعىنىڭ سۋبەكتiلەرi ەلەكتر ەنەرگياسىن ساتىپ الۋ-ساتۋ شارتتارىن ءوز ەركىمەن جاسايدى. ەلەكتر ەنەرگياسىن جەتكىزۋدىڭ كولەمدەرى مەن مەرزىمدەرى شارت تالاپتارىمەن ايقىندالادى.
26. ەلەكتر ەنەرگياسىنىڭ ورتالىقتاندىرىلعان ساۋدا نارىعىندا ەلەكتر ەنەرگياسىن ساتىپ الۋ-ساتۋ جونىندەگى شارتتار مەن مامىلەلەر زاڭعا سايكەس تارتىپپەن ەلەكتر ەنەرگياسىنىڭ ورتالىقتاندىرىلعان ساۋدا نارىعىنىڭ وپەراتورى جۇرگىزەتىن ورتالىقتاندىرىلعان ساۋدا-ساتتىق ناتيجەلەرى بويىنشا جاسالادى.
27. ەلەكتر ەنەرگياسىنىڭ كوتەرمە ساۋدا نارىعى سۋبەكتiلەرiنiڭ ورتالىقتاندىرىلعان ساۋدا-ساتتىقتارعا قاتىسۋى زاڭدا كوزدەلگەن جاعدايلاردى قوسپاعاندا, ەرiكتi نەگىزدە جانە ەلەكتر ەنەرگياسىنىڭ ورتالىقتاندىرىلعان ساۋدا نارىعىنىڭ وپەراتورىمەن جاسالاتىن قاتىسۋ شارتىنىڭ نەگىزىندە جۇزەگە اسىرىلادى.
28. ەلەكتر ەنەرگياسىنىڭ ورتالىقسىزداندىرىلعان ساتىپ الۋ-ساتۋ نارىعىندا جانە ەلەكتر ەنەرگياسىنىڭ ورتالىقتاندىرىلعان ساۋدا نارىعىندا ەلەكتر ەنەرگياسىن ساتىپ الۋ-ساتۋ شارتتارى قازاقستان رەسپۋبليكاسىنىڭ ازاماتتىق كودەكسىنە سايكەس جاسالادى, سونداي-اق مىناداي تالاپتاردى كوزدەيدى:
1) تاراپتارمەن كەلiسiلگەن ەلەكتر ەنەرگياسىن جەتكىزۋ رەجيمىنىڭ ساعاتتىق تاۋلiكتiك (ماۋسىمدىق) وزگەرۋ كەستەسi;
2) ەلەكتر ەنەرگياسىن تۇتىنۋشىلار مەن ەنەرگيا ءوندiرۋشi ۇيىمداردى ەلەكتر ەنەرگياسىنىڭ شارتتىق كولەمدەرiن توراپقا بوساتۋ مەن توراپتان قابىلداۋدى تابيعي جانە كوممەرتسيالىق ەسەپكە الۋ نۇكتەلەرiن كورسەتۋ;
3) اۆاريالىق بۇزۋشىلىقتار تۋىنداعان جاعدايدا ەلەكتر ەنەرگياسىن جەتكىزۋ تالاپتارى (رەزەرۆتەۋ ءتارتىبى);
4) ەلەكتر ەنەرگياسىنا ساتىپ الۋشى ۋاقتىلى اقى تولەمەگەن جاعدايدا ەلەكتر ەنەرگياسىنىڭ بوساتىلۋىن شەكتەۋ جانە (نەمەسە) توقتاتۋ ءتارتiبi.
29. زاڭعا سايكەس ءتارتىپ بويىنشا ەلەكتر ەنەرگياسىن شەكتەس مەملەكەتتەرگە جەتكىزۋدى (ساتىپ الۋدى), شەكتەس مەملەكەتتەردىڭ ەلەكتر جەلىلەرى بويىنشا ەلەكتر ەنەرگياسىن بەرۋدى نەمەسە ترانزيتتەۋدى كوزدەيتىن ەلەكتر ەنەرگياسىن ساتىپ الۋ-ساتۋ شارتتارى جۇيەلىك وپەراتورمەن تەحنيكالىق ىسكە اسىرۋ بولىگىندە كەلىسۋگە جاتادى.
30. ەلەكتر ەنەرگياسىن ەكسپورتتاۋعا جانە (نەمەسە) يمپورتتاۋعا ارنالعان مامiلەلەر بويىنشا ەلەكتر ەنەرگياسىنىڭ كوتەرمە ساۋدا نارىعىندا تۋىندايتىن قاتىناستار تيiستi شارتتاردا, قازاقستان رەسپۋبليكاسىنىڭ زاڭناماسىندا جانە مەملەكەتارالىق كەلiسiمدەردە كوزدەلگەن تارتiپپەن رەتتەلەدi.
31. ەلەكتر ەنەرگياسىنىڭ ەكسپورتى مەن يمپورتى, ەگەر قاتىسۋشىسى قازاقستان رەسپۋبليكاسى بولىپ تابىلاتىن, راتيفيكاتسيالانعان حالىقارالىق شارتتا وزگەشە بەلگىلەنبەسە, قازاقستان رەسپۋبليكاسىنىڭ كەدەن زاڭناماسىنىڭ تالاپتارىن ورىنداۋ شارتىمەن جۇزەگە اسىرىلادى.
32. ەلەكتر ەنەرگياسىنىڭ كوتەرمە ساۋدا نارىعىنىڭ سۋبەكتىلەرى جاسالعان شارتتار نەگىزىندە جۇيەلىك وپەراتورعا الداعى تاۋلىككە ەلەكتر ەنەرگياسىن جەتكىزۋ (تۇتىنۋ) وتىنىمدەرىن جىبەرەدى.
33. جۇيەلىك وپەراتور ەلەكتر ەنەرگياسىنىڭ كوتەرمە ساۋدا نارىعى سۋبەكتىلەرىنىڭ ءوتىنىمى نەگىزىندە تاۋلىك كەستەنى قالىپتاستىرادى جانە بەكىتەدى.
34. ەلەكتر ەنەرگياسىن جەتكىزۋ (تۇتىنۋ) جۇيەلىك وپەراتور بەكىتكەن, كەلىسىلگەن تۇزەتۋلەردى ەسكەرە وتىرىپ, تاۋلىك كەستەسىندە كورسەتىلگەن ەلەكتر ەنەرگياسىن جەتكىزۋدىڭ-تۇتىنۋدىڭ مالىمدەلگەن كولەمدەرىنە سايكەس جۇزەگە اسىرىلادى.
35. ەلەكتر ەنەرگياسىنىڭ تەڭگەرىمدى نارىعى قازاقستان رەسپۋبليكاسىنىڭ ءبىرتۇتاس ەلەكتر ەنەرگەتيكالىق جۇيەسىندە ەلەكتر ەنەرگياسى جانە قۋات تەڭگەرىمىن ۇستاۋ ءۇشىن جۇيەلىك وپەراتوردىڭ قۇرالى بولىپ تابىلادى.
36. جۇيەلiك وپەراتور شەكتەس مەملەكەتتەردiڭ ەنەرگيا جۇيەلەرiمەن ەلەكتر ەنەرگياسى اعىندارىنىڭ مەملەكەتارالىق سالدوسىنىڭ شارتتىق ماندەرiن قامتاماسىز ەتەدى جانە ەلەكتر ەنەرگياسىنىڭ مەملەكەتارالىق تەڭگەرiمسiزدiكتەرiن رەتتەيدى. مەملەكەتارالىق تەڭگەرiمسiزدiكتەردi رەتتەۋدى جۇيەلىك وپەراتور ءتيىستى شارتتاردا, قازاقستان رەسپۋبليكاسىنىڭ زاڭناماسىندا جانە مەملەكەتارالىق كەلىسىمدەردە كوزدەلگەن تارتىپپەن جۇزەگە اسىرادى.
37. زاڭمەن بەلگىلەنگەن ءتارتىپ بويىنشا جۇيەلىك جانە قوسالقى قىزمەتتەر نارىعى ەلەكتر ەنەرگياسىن جانە قۋاتتى بەرۋ, ءبولۋ, ديسپەتچەرلەۋ, رەتتەۋ جانە رەزەرۆتەۋ جونىندەگى قىزمەتتەردى قامتيدى, ەلەكتر ەنەرگياسىن ءوندىرۋ, بەرۋ, تۇتىنۋ ەرەكشەلىكتەرىمەن نەگىزدەلگەن جانە بەلگىلەنگەن تارتىپكە سايكەس جۇمىس ىستەيدى. جۇيەلىك جانە قوسالقى قىزمەتتەردى ءتيىستى قىزمەتتەردى كورسەتۋگە جاسالعان شارتتار نەگىزىندە ەلەكتر ەنەرگياسىنىڭ كوتەرمە ساۋدا نارىعى سۋبەكتىلەرى كورسەتەدى جانە الادى.
38. ەلەكتر ەنەرگياسىنىڭ كوتەرمە ساۋدا نارىعىنا ناقتى جەتكىزىلگەنى جانە تۇتىنىلعانى ءۇشىن ءوزارا ەسەپ ايىرىسۋلار قازاقستان رەسپۋبليكاسىنىڭ كوتەرمە ساۋدا نارىعىندا ەلەكتر ەنەرگياسىن ءوندىرۋ-تۇتىنۋدىڭ ناقتى تەڭگەرىمىندە كورسەتىلگەن, ەسەپتىك كۇنتىزبەلىك ايدىڭ ناتيجەسى بويىنشا جۇيەلىك وپەراتور جاساعان ەلەكتر ەنەرگياسى كولەمىنىڭ ماندەرىنە سايكەس جۇزەگە اسىرىلادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 26 ناۋرىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10531 بولىپ ەنگىزىلدى.